Në Shtetet e Bashkuara ndodhen këto ditë pjesëmarrëset nga Kosova të programit “Hope Fellowships” i organizuar nga Këshilli Kombëtar Shqiptaro-Amerikan dhe i financuar nga Agjencia amerikane e Zhvillimit Ndërkombëtar, USAID. Disa nga anëtaret e programit për këtë vit morën pjesë në një diskutim këtu në Uashington mbi temën e fuqizimit ekonomik të gruas në Kosovë. Aktiviteti u zhvillua në mjediset e Institutit Kombëtar Demokrat dhe u ndoq nga kolegu Julian Zyla.
