Institucionet e Kosovës nderojnë senatorin e ndjerë, Bob Dole

Në Kosovë, parlamenti hapi punimet e së hënës me një minutë heshtje në nderim të ish senatorit Bob Dole, që ndërroi jetë një ditë më parë. Udhëheqës institucionesh vunë kurora lulesh tek busti i ish senatorit Dole që është ngritur vitin e kaluar në një nga rrugët kryesore të Prishtinës në nderim të rolit të tij në proceset që çuan në çlirimin dhe pavarësimin e Kosovës.