Intervistë me ish-kryetaren e parlamentit Jozefina Topalli
Arben Xhixho
Ish-kryetarja e Kuvendit të Shqipërisë, Jozefina Topalli, i tha Zërit të Amerikës se megjithë humbjen, Partia Demokratike është një forcë e madhe. Ajo kritikoi atë që e quajti "nihilizëm" të shumicës së tanishme parlamentare lidhur me arritjet e Shqipërisë gjatë 20 viteve të fundit. Në një intervistë me shefin e Shërbimit Shqip, Arben Xhixho, zonja Topalli pranoi se gjatë qeverisjes së Partisë Demokratike ka patur korrupsion por, tha ajo, ka patur edhe reforma për ta luftuar këtë dukuri. Zonja Topalli ishte në Uashington për të marrë pjesë në një takim të Forumit Transatlantik Parlamentar të NATO-s.
