Fundjava që familja Klinton kaloi në Los Anxhelos kishte në qendër filantropinë. Ish familja e parë amerikane organizoi një mbrëmje gala për të festuar 65 vjetorin e presidentit Bill Klinton dhe një koncert të mbushur me yje të Hollivudit, gjithçka me synimin për të grumbulluar fonde për fondacionin William J. Clinton. Ky vit shënon 10 vjetorin e përpjekjeve globale të fondacionit për një numër kauzash që përfshijnë shëndetësinë, ekonominë dhe ambjentin.
Në koncertin e organizuar mbrëmë Lady Gaga i këndoi këngën e ditëlindjes presidentit Klinton ashtu si Marylin Monroe i këndoi John Kenedit. Superstari i muzikës pop që gjithnjë shtyn kufijtë e argëtimit transformoi këngën e saj Bad Romance duke e quajtur Bill Romance. Ajo ishte një nga muzikantët e shumtë që interpretuan mbrëmë në koncert. Biletat e koncertit që u transmetua live përmes faqes yahoo.com varionin nga 50 në 550 dollarë. Bono dhe grupi U2 përfunduan koncertin me një variant akustik të këngëve, Desire, One dhe Sunday Bloody Sunday.
Koncert me këngëtarë të njohur për fondacionin e ish presidentit Klinton
Koncert me këngëtarë të njohur për fondacionin e ish presidentit Klinton