Forcat e NATO-s, larguan një barrikadë të vendosur në njërën nga rrugët kryesore në veriun e Kosovës nga serbët lokal
Forcat paqeruajtëse të NATO-s larguan sot një barrikadë në komunën e Zveçanit në veriun e Kosovës të banuar me shumicë serbe. Barrikada ishte ngritur nga banorët lokal për të penguar vendosjen e policisë dhe doganierëve të Kosovës në vendkalimet kufitare veriore me Serbinë.
Në një komunikatë për opinion, forcat paqeruajtëse thanë se “qëllimi i operacionit ishte të largojë pengesat në rrugë për të përmirësuar lirinë e lëvizjes jo vetëm për KFOR-in por edhe për organizatat ndërkombëtare dhe të gjithë qytetarët e Kosovës”.
http://www.youtube.com/embed/CZc3et_OOtQ
Operacioni i forcave të NATO-s për largimin e barrikadës kaloi pa incidente, ndërsa përfaqësues të serbëve në veri thanë se operacioni i sotëm ishte “demonstrim i hapur i forcës”.
Forcat paqeruajtëse thanë se “misioni i tyre është mjedisi i qetë e i sigurt dhe liria e lëvizjes për të gjithë në Kosovë. KFOR-i është zotuar sot sërish se do të vazhdojë këtë mision në mënyrë të vendosur, kujdesshëm dhe në mënyrë të paanshme në pajtim të plotë me mandatin e tij”.
Serbët në veriun e Kosovës vazhdojnë të kundërshtojnë përpjekjet për shtrirjen e autoritetit të Prishtinës në zonë por edhe marrëveshjet e arritura në bisedimet ndërmjet Kosovës dhe Serbisë dhe fillimit të funksionalizimit të doganave në vendkalimet kufitare ndërmjet dy vendeve në veri.
Përfaqësuesit e tyre, i cilësuan marrëveshjet e arritura në bisedimet e ndërmjetësuara nga Bashkimi Evropian si përpjekje për t’i detyruar me dhunë serbët e veriut të Kosovës që të integrohen në institucionet e Prishtinës.
Parlamenti i Kosovës debaton për bisedimet më Serbinë
Çështja e këtyre bisedimeve ishte temë debatesh në Parlamentin e Kosovës. Ku kryeministri Hashim Thaçi, raportoi për takimin e fundit të tij me kryeministrin e Serbisë, Ivica Daçiç, me ndërmjetësimin e shefes së politikës së jashtme të Bashkimit Catherine Ashton.
Çështja që nxiti më shumë diskutime ishte ajo e krijimit të një fondi të veçantë për veriun e Kosovës. Krijimi i fondit sipas qeverisë së Kosovës është mundësi për ngritjen e transparencës edhe të parave që jepen nga Beogradi për atë zonë.
Por, deputetët e lëvizjes Vetëvendosje por edhe disa deputetë të partive jera thanë se ky fond është një hap drejt ndarjes tokësore të Kosovës.
Zyrtarët qeveritar thonë se fondi është i përkohshëm dhe se ai do të mbushet nga të hyrat doganore në vendkalimet kufitare veriore, që do të jenë pjesë e buxhetit të Kosovës. Fondi do të qeveriset nga një komision i përbashkët i qeverisë, serbëve lokal dhe përfaqësuesi i Bashkimit Evropian dhe do të përdoret vetëm për projekte zhvillimore të komunave në veri të Kosovës.
Procesi i bisedimeve pritet të vazhdojë gjatë muajit të ardhshëm me takimin e ri ndërmjet kryeministrave të Kosovës dhe Serbisë Hashim Thaçi e Ivica Daçiç dhe këto bisedime shihen si një nga kushtet kryesore për afrimin e të dyja palëve me Bashkimin Evropian.
Në kuadër të përpjekjeve për të shtyrë papara procesin e normalizimit të marrëdhënieve ndërmjet dy vendeve, në fillim të muajit shkurt pritet edhe një takim ndërmjet presidentes së Kosovës Atifete Jahjaga dhe presidentit të Serbisë, Tomislav Nikoliç.
Në një komunikatë për opinion, forcat paqeruajtëse thanë se “qëllimi i operacionit ishte të largojë pengesat në rrugë për të përmirësuar lirinë e lëvizjes jo vetëm për KFOR-in por edhe për organizatat ndërkombëtare dhe të gjithë qytetarët e Kosovës”.
http://www.youtube.com/embed/CZc3et_OOtQ
Operacioni i forcave të NATO-s për largimin e barrikadës kaloi pa incidente, ndërsa përfaqësues të serbëve në veri thanë se operacioni i sotëm ishte “demonstrim i hapur i forcës”.
Forcat paqeruajtëse thanë se “misioni i tyre është mjedisi i qetë e i sigurt dhe liria e lëvizjes për të gjithë në Kosovë. KFOR-i është zotuar sot sërish se do të vazhdojë këtë mision në mënyrë të vendosur, kujdesshëm dhe në mënyrë të paanshme në pajtim të plotë me mandatin e tij”.
Serbët në veriun e Kosovës vazhdojnë të kundërshtojnë përpjekjet për shtrirjen e autoritetit të Prishtinës në zonë por edhe marrëveshjet e arritura në bisedimet ndërmjet Kosovës dhe Serbisë dhe fillimit të funksionalizimit të doganave në vendkalimet kufitare ndërmjet dy vendeve në veri.
Përfaqësuesit e tyre, i cilësuan marrëveshjet e arritura në bisedimet e ndërmjetësuara nga Bashkimi Evropian si përpjekje për t’i detyruar me dhunë serbët e veriut të Kosovës që të integrohen në institucionet e Prishtinës.
Parlamenti i Kosovës debaton për bisedimet më Serbinë
Çështja e këtyre bisedimeve ishte temë debatesh në Parlamentin e Kosovës. Ku kryeministri Hashim Thaçi, raportoi për takimin e fundit të tij me kryeministrin e Serbisë, Ivica Daçiç, me ndërmjetësimin e shefes së politikës së jashtme të Bashkimit Catherine Ashton.
Çështja që nxiti më shumë diskutime ishte ajo e krijimit të një fondi të veçantë për veriun e Kosovës. Krijimi i fondit sipas qeverisë së Kosovës është mundësi për ngritjen e transparencës edhe të parave që jepen nga Beogradi për atë zonë.
Por, deputetët e lëvizjes Vetëvendosje por edhe disa deputetë të partive jera thanë se ky fond është një hap drejt ndarjes tokësore të Kosovës.
Zyrtarët qeveritar thonë se fondi është i përkohshëm dhe se ai do të mbushet nga të hyrat doganore në vendkalimet kufitare veriore, që do të jenë pjesë e buxhetit të Kosovës. Fondi do të qeveriset nga një komision i përbashkët i qeverisë, serbëve lokal dhe përfaqësuesi i Bashkimit Evropian dhe do të përdoret vetëm për projekte zhvillimore të komunave në veri të Kosovës.
Procesi i bisedimeve pritet të vazhdojë gjatë muajit të ardhshëm me takimin e ri ndërmjet kryeministrave të Kosovës dhe Serbisë Hashim Thaçi e Ivica Daçiç dhe këto bisedime shihen si një nga kushtet kryesore për afrimin e të dyja palëve me Bashkimin Evropian.
Në kuadër të përpjekjeve për të shtyrë papara procesin e normalizimit të marrëdhënieve ndërmjet dy vendeve, në fillim të muajit shkurt pritet edhe një takim ndërmjet presidentes së Kosovës Atifete Jahjaga dhe presidentit të Serbisë, Tomislav Nikoliç.