Regjistrimi i popullsisë në Maqedoni do të bëhet nga 1 deri më 15 prill të vitit që vjen. Kjo periudhë kohore ndonëse nuk shikohet e favorshme për shqiptarët për shkak se një numër i konsiderueshëm i tyre ndodhen jashta vendit, është më e përshtatshme sipas standardeve evropiane. Partitë shqiptare duket sikur po hyjnë në një lloj fushate lidhur me këtë regjistrim. Sipas të dhënave të regjistrimit të vitit 2002 në Maqedoni, nga popullata e përgjithshme ka pak mbi 25 përqind shqiptarë.