Mbretëresha Elizabetë vizitoi bashkëshortin e saj në spital ku ai po e merr veten pas një operacioni në zemër.
Pallati Buckingham tha se Princi Philip, kaloi një natë të qetë në spitalin Papworth të Cambridge-it pas ndërhyrjes kirurgjikale për të kuruar bllokimin e një arterieje të zemrës, e cila i kishte shkaktuar dhimbje në kraharor.
Princi 90 vjeçar kishte në plan t’i kalonte Krishlindjet me anëtarët e familjes mbretërore në lindje të Anglisë. Pallati tha dje se princi Phillip do të vazhdojë të qëndrojë i shtruar në spital për të qënë nën vëzhgimin e mjekëve. Princi Philip, që ka lindur në Greqi në vitin 1921, ka qenë me Mbretëreshën Elizabetë gjatë 60 viteve të së saj në fronin britanik. Ata u martuan në vitin 1947.