Revista Kirurgjike e Kosovës është një botim i specializuar për kirurgjinë që publikohet sërish pas nëntë vitesh. Kosova ka një Kolegj të Kirurgëve, i cili boton këtë revistë të ilustruar.
Zëri i Amerikës u lidh drejtpërsëdrejti nga Nju Jorku me kryetarin e kolegjit, Dr. Rifat Latifi, i cili është gjithashtu kryeredaktor i revistës. Dr. Latifi bisedoi me kolegun Ilir Ikonomi për rëndësinë e botimit të një reviste të tillë dhe se si e ndihmon ajo kirurgjinë në Kosovë. Dr. Latifi është gjithashtu drejtor i Departamentit të Kirurgjisë në Qendrën Mjekësore Westchester në Valhalla të Nju Jorkut.