Rusia dhe Izraeli thonë se kanë nënshkruar një marrëveshje për bashkëpunim ushtarak. Ministri rus i Mbrojtjes Anatoli Serdyukov dhe Ministri izraeli i Mbrojtjes Ehud Barak u takuan sot në Moskë, por nuk dhanë hollësi lidhur me marrëveshjen.
Mediat ruse citonin ministrin Serdyukov të ketë thënë se marrëveshja do të ndihmojë në fuqizimin e marrëdhënieve dy-palëshe mes të dy vendeve dhe se është e rëndësishme për Rusinë që të marrë eksperiencë nga forcat e armatosura izraelite për modernizimin e forcave të armatosura ruse.
Ministri rus tha se vendi i tij ka blerë tashmë 12 avionë pa pilot nga Izraeli dhe se po stërvit 50 ushtarakë për përdorimin e tyre. Ministri i izraelit i Mbrojtjes Barak e ftoi ministrin rus Serdyukov për një vizitë në Izrael. Tel-Avivi ka shprehur më parë shqetësim për marrëveshje armësh të Rusisë me Sirinë dhe Iranin.