Ministritë e integrimeve evropiane të Shqipërisë dhe Kosovës thanë sot se janë duke bashkërenduar veprimet në rrugën e këtyre integrimeve. Ato themeluan edhe një grup të përbashkët që do të merret me përkthimin e kuadrit ligjor evropian. Shqipëria shpreson që në qershor të marrë statusin e vendit kandidat për anëtarësim, ndërsa Kosova, është më prapa të gjitha vendeve të Evropës Juglindore në procesin e integrimeve, ndonëse ka praninë më të madhe të Bashkimit Evropian, nëpërmjet misionit të EULEX-it. A ardhmja e këtij misioni është duke u negociuar aktualisht ndërmjet Prishtinës dhe Brukselit.
