Protesta kaloi pa ndonjë incident serioz
Thirrjet për protesta të reja në Shkup sot nuk patën ndonjë mbështetje nga shqiptarët e atjeshëm, për shkak të shfaqjes së dhunës në protestat e javës së kaluar.
Vetëm disa dhjetra të rinj shqiptarë arritën të tubohen sot në një lagje shqiptare për t’u nisur drejt ndërtesës së qeverisë, por ata u penguan nga policia maqedonase. Protesta kaloi pa ndonjë incident serioz. Ndërkohë, vazhdojnë shqetësimet lidhur me gjendjen e krijuar në Maqedoni ku raportet ndëretnike janë të brishta prej vitesh.
Vetëm disa dhjetra të rinj shqiptarë arritën të tubohen sot në një lagje shqiptare për t’u nisur drejt ndërtesës së qeverisë, por ata u penguan nga policia maqedonase. Protesta kaloi pa ndonjë incident serioz. Ndërkohë, vazhdojnë shqetësimet lidhur me gjendjen e krijuar në Maqedoni ku raportet ndëretnike janë të brishta prej vitesh.
Bashkësia fetare islame u ka bërë thirrje të qytetarëve që të mos bien pre e manipulimeve, të cilat kanë për bazë skenarë të errët politikë, sipas Bashkësisë Islame, e cila po ashtu kërkon që të mos keqpërdoren objektet fetare si pikënisje e protestave.
Shqiptarët e rinj protestojnë kundër rrahjes brutale të fëmijëve shqiptarë nga grupe maqedonasish në rrugët e Shkupit dhe jashta shkollave, ndërkohë që maqedonasit e rinj organizohen në protesta kundër emërimit të Talat Xhaferit për ministër të Mbrojtjes, për shkak të historisë së tij si një nga komandantët e Ushtrisë Çlirimtare Kombëtare gjatë konfiktit të vitit 2001.