Kryeministri i Kosovës, Hashim Thaçi tha sot se qeveria e tij dhe delegacioni i Kosovës, në bisedimet me Serbinë nuk ka mandat për të diskutuar çështjen e përdorimit të simboleve shtetërore në zgjedhjet për pushtetin komunal. Ai mohoi mundësinë që kjo çështje të debatohet në takimin e nesërm me kryeministrin e Serbisë, Ivica Daçiç, i cili ka paralajmëruar se serbët nuk do të marrin pjesë në zgjedhje nëse fletëvotimet kanë shenja të shtetësisë së Kosovës.
