Diplomatët perëndimorë po i bëjnë thirrje Prishtinës dhe Beogradit që të fillojnë zbatimin në terren të marrëveshjes për normalizimin e marrëdhënieve ndërmjet tyre, si kusht për përparimin drejt integrimeve evropiane. Të dyja palët janë duke diskutuar në grupet punuese hollësitë e zbatimit të marrëveshjes, nga zbatimi i së cilës varet nëse në fund të muajit qershor Serbia do të marrë datën e negociatave për anëtarësim në Bashkimin Evropian, ndërsa Kosova atë të marrëveshjes së stabilizim asocimit.
