Tre persona u vranë sot kur një aeroplan rus pasagjerësh u përfshi nga zjarri dhe shpërtheu ndërkohë që përpiqej të ngrihej nga një aeroport në Siberi.
Zyrtarët thanë se zjarri filloi në një nga motorrët e aeroplanit ndërkohë që përgatitej të ngrihej nga aeroporti i qytetit të Surgut.
Shumica e 124 persona në bordin e aeroplanit u evakuuan para shpërthimit, i cili shkatërroi aeroplanin. Zyrtarët thanë se të paktën 43 persona u plagosën në këtë incident.
Aeroplani i tipit TU-154, i cili i përkiste kompanisë rajonale ajrore Kogalymavia Airline, ishte planifikuar të mbulonte itinerarin nga Surgu në Moskë.