Në Tiranë, OKB bëri të ditur se ka nisur një diskutim të gjerë me të rinjtë shqiptarë mbi problemet që shqetësojnë vendin.
Përfaqësuesja e OKB-së në Shqipëri Zineb Benjollun tha se të rinjtë duhet të shprehin me zë të fortë mendimet e tyre. Sipas saj, me idetë e tyre, po hartohen projektet e dekadës së ardhme.
Your browser doesn’t support HTML5
OKB dialog me të rinjtë shqiptarë
O.K.B. po ndihmojnë Shqipërinë që zëri i qytetarëv të saj për vështirësitë themelore që kalon vendi të dëgjohet më fort. Përfaqësuesja e UN në Shqpëri OKB, Zineb Touimi Benjollun, tha sot se zëri i qytetarëve duhet të forcohet në cështje si parandalimi i konflikteve. Po ashtu ekonomi, energjia dhe mjedisi. Ajo i bëri këto komente në veprimtarinë “Modeli Shqiptar i Kombeve të Bashkuara”, që u zhvillua sot në sallën e parlamentit.
“Në Shqipëri ne po diskutojmë me mijëra banorë, që të shprehin me zë të lartë problemet e tyre, - tha përfaqësuesja e OKB, Zineb Touimi Benjollun. - Të rinjtë kanë ambicje dhe një zë të fuqishëm për të trajtuar çështjet më të rëndësishme të vendit; ata kërkojnë shkollim, mjekim, jetesë më të mirë dhe qeverisje të përgjegjshme”.
Diplomatët amerikanë shprehën po ashtu mbështetjen e tyre për projektet që zhvillojnë rininë shqiptare. Zv.ambasadori i SH.B.A.-ve në Shqipëri, Henri Jardin, tha se shembulli i OKB-së është rruga e duhur që të rinjtë shqiptarë të ndërtojnë mënyrat e duhura në miradministrimin e çështjeve të ndryshme kombëtare.
Reforma arsimore është një nga rrugët kryesore për zhvillimin e të rinjve dhe projekteve të tyre. Ministrja e arsimit, Lindita Nikolla, tha se misioni i shkollës sot është përgatitja me vlerat e botës demokratike, ndaj shkolla duhet të funksionojë si një shoqëri demokratike.
Veprimtaria “Modeli shqiptar i OKB-së mblodhi të rinj nga Shqipëria dhe rajoni dhe u mbështet nga Parlamenti, OKB, ministria e arsimit, USAID, Korpusi i Paqes, AADF - Fondacioni Shqiptaro - Amerikan i Zhvillimit.
Zyrtarë të OKB pohuan se ipas saj, dialogu i UN me të rinjtë po i jep frytet e veta dhe po ndikon për hartimin e projekteve në 15 vitet e ardhshme kundër varfërisë dhe urisë, të cilat do të zbatohen në çdo vend, duke përfshirë institucionet dhe komunitetet.