Një marinar amerikan në detyrë, hapi zjarr ndaj tre punonjësve civil të mërkurën në Pearl Harbot duke vrarë dy prej tyre, para se të vetëvritej.
Komandanti i Rajonit të Marinës në Hawaii, Admirali Robert Chadwick, tha se nuk dihen motivet e incidentit që ndodhi në kantierin e marinës në Pearl Harbor
Ai tha se nuk është e qartë nëse marinari dhe civilët kishin ndonjë marrëdhënie apo nëse “ata ishin shënjestër e të shtënave”.
Joint Base Pearl Harbor-Hickam security forces responded to a reported shooting at a dry dock at @PHNSYIMF. Initial reports indicate the shooter & two shipyard civilian employees are deceased, & one shipyard civilian is in stable condition at a local hospital. 1/5 #PearlHarbor
— Joint Base Pearl Harbor-Hickam (@JointBasePHH) December 5, 2019
Baza e Përbashkët në Perl Harbor – Hickam, që është një prej objekteve më të mëdha të marinës amerikane, tha se të shtënat filluan rreth orës 2;30 të paditës së të mërkurës.
Baza që u mbyll për pak kohë u rihap sërish.
Kantieri shërben për riparimin, mirëmbajtjen dhe modernizimin e anijeve dhe nëndetëseve të Flotës amerikane të Paqësorit, selia e së cilës është në Pearl Harbor. Baza është liman i dhjetë luftanijeve dhe 15 nëndetëseve.
Guvernatori i Hawaiit, David Ige, tha se Shtëpia e Bardhë ka ofruar "ndihmë nga agjencitë federale".
Kantieri ndodhet afër Qendrës Kombëtare Përkujtimore në Pearl Harbor, ku të shtunën shënohet 78 vjetori i sulmit japonez, që çoi në përfshirjen e Shteteve të Bashkuara në Luftën e Dytë Botërore. Më shumë se 2 mijë e 300 amerikanë kishin humbur jetën në sulmin e 7 dhjetorit të vitit 1941.