Incidente të dhunshme shënuan përfundimin e votimeve për pushtetin komunal në veriun e Kosovës të banuar me shumicë serbe, ku edhe ashtu është shënuar një pjesëmarrje e ultë në votime. Me gjithë thirrjet e Beogradit, grupe politike edhe nga Serbia, penguan sot gjatë tërë ditës pjesëmarrjen e qytetarëve serbë në votime duke i kërcënuar ata, ndërsa në orët e mbrëmjes pati edhe ndërhyrje të dhunshme në vendvotime. Përfshirja e komunave veriore në zgjedhjet për pushtetin komunal ishte pjesë e marrëveshjes prill të këtij viti të arritur në bisedimet ndërmjet Kosovës dhe Serbisë për normalizimin e marrëdhënieve ndërmjet tyre.
