Një intervistë me drejtuesen e organizatës serbe “Nisma e Re Shoqërore”, Jovana Radosavleviç, e cila thotë se Komuniteti serb në Kosovë po jeton në një gjendje tensioni, si pasojë e mungesës së vullnetit të udhëheqësve në dy vendet për normalizim të marrëdhënieve. Sipas saj Prishtina nuk po i dëgjon shqetësimet e komunitetit serb në Kosovë dhe kjo po rrit e ndikimin e Beogradit tek ata. Në Shqipëri, në Ditë Kombëtarë të Drejtësisë Presidenti Bajram Begaj dhe përfaqësues amerikanë dhe europianë bënë thirrje që drejtësia e reformuar të thellojë rezultatet në luftën ndaj korrupsionit e krimit të organizuar. Në veri të Shqipërisë, shumë familje që jetojnë në zonat e thella malore, vazhdojnë të përballen me një nivel të lartë të varfërisë. Një grup vullnetarësh po mbështesin rreth 190 familje në nevojë.