E mërkurë, 27 maj, 2015

Lajme / Ballkani

Eliot Engel: Kosova meriton liberalizimin e vizave

Zoti Engel është zv/kryetar i Komisionit të Jashtëm të Dhomës së Përfaqësuesve

x
Arben Xhixho
Ligjvenësi amerikan Eliot Engel, numri dy i Komisionit të Dhomës së Përfaqësueve për Marrëdhëniet me Jashtë, thotë në një intervistë për Zërin e Amerikës me rastin e 5 vjetorit të pavarësisë së Kosovës se është e natyrshme që të ketë lidhje të ngushta dhe ndjenja vëllazërimi mes Shqipërisë dhe Kosovës, por komentet për një Shqipëri të madhe nuk mund të jenë kurrë të dobishme.



Zëri i Amerikës:  Zoti Engel, tani që Kosova përgatitet të festojë 5-vjetorin e pavarësisë, si e shihni ju sot Kosovën?
 
Eliot Engel:  Së pari, më lejoni të uroj Kosovën gëzuan ditëlindjen, ose gëzuar përvjetorin. Këtë ditë, 17 shkurtin unë e kujtoj lehtë, sepse ditëlindja ime është dita tjetër, 18 shkurti.
 
Zëri i Amerikës:  Gëzuar edhe ju ditëlindjen.
 
Eliot Engel:  Faleminderit. Unë gjithmonë them se një dhuratë e mrekullueshme për ditëlindjen time pesë vjet më parë ishte pavarësia e Kosovës. Ju e dini se për vite me radhë kam folur për lirinë dhe pavarësinë e Kosovës. Unë parashikova se kjo do të ndodhte kur të gjithë thoshin se ishte e pamundur. Unë parashikova se një ditë ne të gjithë do të ishim në një Kosovë të lirë e të pavarur. Dhe kjo ndodhi. Mendoj se ka shumë gjëra për të cilat duhet të jemi mirënjohës gjatë pesë viteve të fundit. Ndërtimi i një vendi është punë e vështirë. Disa herë është punë sfilitëse dhe që kërkon nerva. Shumë herë ne urojmë që procesi të jetë më i shpejtë, por gjërat kërkojnë shumë kohë të bëhen. Ne duam të sigurohemi që po veprojmë drejt, në mënyrë që të garantohet qëndrueshmëria e Kosovës për shumë vite që do të vijnë. Prandaj, do të thosha që në këto pesë vitet e fundit Kosova ka hyrë në radhët e demokracive të lira e të pavarura të botës. Janë 98 vende që e kanë njohur pavarësinë e saj dhe unë gjithnjë përpiqem që më shumë ta njohin atë, duke biseduar me ambasadorë, ministra të jashtëm, kryeministra dhe presidentë të çdo vendi që vizitoj ose që më vizitojnë këtu në Uashington për t’u thënë atyre se ka rëndësi që ta njohin Kosovën. Sapo e bëra këtë në një mbledhje që kisha me përfaqësues të Bashkimit Evropian. Pra, për herë të parë pas shumë vitesh kemi një komb shqiptar të lirë; një Shqipëri të lirë e të pavarur, anëtare të NATO-s, një Kosovë të lirë e të pavarur, një shtet krenar. Prandaj jam shumë i gëzuar që në 5 vjetor kemi shumë gjëra për të festuar.
 
Zëri i Amerikës:  Ju thatë se sapo u takuat me përfaqësues të Bashkimit Evropian dhe besoj edhe me zonjën Catherine Ashton që ndodhet në Uashington. Por desha t’ju pyes në lidhje me bisedimet mes Kosovës dhe Serbisë që përfshijnë edhe çështjen e Veriut, ku zonja Ashton po luan rolin e lehtësuesit. Si numri dy i Komisionit të Marrëdhënieve Ndërkombëtare në Dhomën e Përfaqësuesve, a mendoni se Shtetet e Bashkuara duhet të luajnë një rol më të madh në këtë çështje?
 
Eliot Engel:  Po, ashtu mendoj. Unë mendoj se ka rëndësi që Shtetet e Bashkuara të luajnë një rol kryesor në çdo gjë që ka lidhje me Kosovën dhe Bashkimin Evropian. Populli i Kosovës ka besim te Shtetet e Bashkuara dhe Shtetet e Bashkuara kanë në zemër interesin më të mirë të Kosovës. Ja kam thënë këto shumë herë Sekretares së Shtetit Hillary Clinton dhe kur të kem rastin të takohem me zotin John Kerry pas disa javësh do t’ja theksoj edhe atij. Sa herë që ne në Shtetet e Bashkuara kemi mundësi të luajmë një rol të rëndësishëm konstruktiv, ne duhet ta bëjmë këtë.
 
Zëri i Amerikës:  Nëqoftëse Shtetet e Bashkuara nuk po e luajnë këtë rol, siç po thoni ju tani, përse mendoni se ndodh kjo?
 
Eliot Engel:  Mendoj se ne po luajmë një rol. Megjithatë, kur bisedimet bëhen me ndihmën e Bashkimit Evropian, ndonjëherë Shtetet e Bashkuara tërhiqen pak dhe ia lënë Evropës të marrë iniciativën, sepse në fund të fundit Kosova është në Evropë. Por mendoj se sa herë që e bejmë këtë, ne duhet të jemi atje dhe zëri ynë duhet të dëgjohet, sepse zëri ynë është zë i miqësisë për Kosovën. Mendoj se populli i Kosovës ka besim te Shtetet e Bashkuara më shumë se sa çdo vend tjetër. Edhe unë dëshiroj që Shtetet e Bashkuara të jenë të pranishme, sepse dua të sigurohem që interesat e Kosovës do të mbrohen. Unë e takova zonjën Ashton pak më parë dhe diskutova me të për Kosovën. I thashë asaj se ka shumë rëndësi që të bëhet përparim dhe të ndërmerren hapa që e stabilizojnë Kosovën. I thashë se vizioni im për Kosovën është që ajo të jetë në të ardhmen anëtare e Bashkimit Evropian dhe e NATO-s dhe se kjo ka rëndësi shumë të madhe.
 
Zëri i Amerikës:  Por përpara se Kosova të arrijë të bëhet anëtare e NATO-s dhe e Bashkimit Evropian, asaj do t’i duhet të përmirësojë gjendjen brenda vendit. Ditët e fundit, lidhur me çështjen e liberalizimit të vizave, një raport i Bashkimit Evropian nuk i jepte Kosovës një vlerësim të mirë, por i kërkonte të bëjë më shumë për luftën kundër korrupsionit. Mendoni se Kosova po bën mjaft në këtë aspekt?
 
Eliot Engel.   Është e vështirë për mua të them. Kam folur me kryeministrin Thaçi shumë herë dhe ai gjithmonë më thotë se po bën gjithçka mundet për të luftuar korrupsionin dhe krimin. Siç e dini këto nuk luftohen dot me një të rënë të shkopit por janë probleme të rrënjosura. Por ato duhen luftuar, sepse siç e përmendët edhe ju, në rastin e liberalizimit të vizave, kjo është shumë e rëndësishme dhe unë jam për liberalizimin, Kosova e meriton këtë. Është gjithmonë e lehtë të gjesh vështirësi dhe të meta kur përpiqesh të mohosh ndihmën e dikujt. Por mendoj se në qoftë se Bashkimi Evropian përmend krimin dhe korrupsionin si probleme, atëherë udhëheqësit e Kosovës duhet ta marrin këtë shumë seriozisht dhe ta trajtojnë këtë problem. Unë besoj se ata duhet dhe do ta trajtojnë këtë problem nëse Kosova duhet të ecë përpara. Por unë jam për liberalizimin e vizave. Kosova nuk duhet të trajtohet ndryshe nga vendet e tjera. Por po të isha në vend të tyre, unë do të dëgjoja me shumë vemendje se çfarë thotë Bashkimi Evropian dhe do të përpiqesha ta përdorja këtë si bazë për të përmirësuar vlerësimin për Kosovën.
 
Zëri i Amerikës:  Pikërisht një ditë pas pas kritikave që iu bënë qeverisë së Kosovës për dështim në procesin e liberalizimit të vizave, kryeministri Thaçi tha në parlament se shqiptarët mund të shkojnë në Bashkimin Evropian si një shtet i vetëm, nëse nuk ndryshon qasja e Brukselit ndaj tyre. Kemi parë kohët e fundit një shtim të retorikës nacionaliste si në Shqipëri edhe në Kosovë. A ju shqetëson kjo?
 
Eliot Engel:   Kjo më shqetëson sepse ne luftuam shumë për të patur një Kosovë të lirë e të pavarur. Gjithmonë ka për të patur lidhje të forta mes Shqipërisë dhe Kosovës dhe kjo për arsye të kuptueshme. Në të dy vendet shqiptarët janë shumicë dhe flitet gjuha shqipe. Prandaj është e natyrshme që të ketë lidhje të ngushta dhe ndjenja vëllazërimi. Kjo është një gjë e mirë. Por për mendimin tim komentet për një Shqipëri të madhe nuk mund të jenë kurrë të dobishme. Unë e kam diskutuar këtë me Kryeministrin Thaçi dhe do të bisedoj me të përsëri së shpejti. Më duket se nga nervozizmi ai foli me tone të ashpra, çka është e kuptueshme. Por mendoj se ai e di, ashtu si unë dhe të tjerë, se Kosova është një vend i pavarur dhe do të ketë fatin e vet si vend i pavarur. Ne i kërkojmë Beogradit të heqë strukturat paralele nga veriu i Mitrovicës dhe e bëjmë këtë sepse qeveria e Prishtinës është e vetmja që ka autoritetin për të qeverisur gjithë Kosovën. Kjo ishte një fitore e arritur me shumë mundim. Ne nuk duhet ta humbasim këtë fitore duke e bërë Kosovën dhe Shqipërinë një vend të vetëm. Gjithmonë do të ketë unitet dhe vëllazërim mes tyre, por Kosova është Kosovë dhe Shqipëria Shqipëri.
 
Zëri i Amerikës:  Ku e shikoni sfidën kryesore për Kosovën sot për sot?
 
Eliot Engel: Para disa ditësh u takova me Kryeministrin serb, Ivica Daçiç këtu në Uashington. Ishte hera e parë që e takoja. Ne patëm një bisedë që mendoj se ishte e mirë dhe pragmatike. I thashë atij se Serbia duhet të heqë të gjitha institucionet paralele në Veri, se Serbia duhet të respektojë të gjitha marrëveshjet e arritura deri tani. Sepse siç e dini janë arritur shumë marrëveshje mes Serbisë dhe Kosovës, por pala serbe nuk i zbaton. Prandaj mendoj se institucionet paralele duhet të hiqen dhe ne do të bëjmë ç’është e mundur për të forcuar kontrollin e qeverisë së Prishtinës në të gjithë Kosovën.
Ky forum është mbyllur
Komente
     
Në këtë forum nuk ka ende komente. Bëhuni i pari që komentoni

Ditari

Keni JavaScript të çaktivizuar ose keni variantin e vjetër të Adobe's Flash Player. Ngarkoni Flash player.

LAJME

Kriza në Maqedoni kërkon masa të shpejta dhe domethënëse

Komuniteti ndërkombëtar u bën thirrje udhëheqësve të Maqedonisë të ndërmarrin hapa konkrete në mbështetje të demokracisë
Më tepër

Maqedonia emëron dy drejtues të lartë të sigurisë

Plotësohen vendet e mbetura bosh pas luftimeve në Kumanovë
Më tepër

Këshilli i Sigurimit debaton mbi Kosovën

Vend të veçantë zunë ngjarjet në Kumanovë si dhe çështja e luftës kundër ekstremizmit të dhunshëm
Më tepër

Paisje që mbikëqyrin të moshuarit në shtëpi

Përkujdesja për prindërit e moshuar falë teknologjisë
Më tepër

Nuset fëmijë

Varfëria, injoranca dhe frika i detyrojnë vajzat e mitura të martohen
Më tepër

FOTO E DITËS

Keni JavaScript të çaktivizuar ose keni variantin e vjetër të Adobe's Flash Player. Ngarkoni Flash player.
  • Policemen use their shields during the demolition of an informal settler community in Manila, Philippines, to redevelop the area into a business district in a joint venture with a private firm. Some 500 families were affected by the demolition.
  • A masked opposition protester points a stick to which knives are tied with a cloth, in the direction of police in the Buyenzi district of the capital Bujumbura, Burundi. Demonstrators said they will continue until President Pierre Nkurunziza steps down at the end of his second term.
  • Hair stylist Caryn Mitman (L) and stylist Clare Galvin pose with the wax figure of British Prime Minister David Cameron at Madame Tussauds in central London.
  • A man walks along the Blanco River where sweeping floodwaters overturned vehicles and knocked down Cypress trees in Wimberley, Texas, USA.
  • Rescued baby iguanas are seen in a cardboard box in an office of the Ministry of Environment in San Jose, May 25, 2015. Officers from the national police force of Costa Rica rescued 81 iguanas that had been confined to a box at a hotel in San Jose.
  • A clown marches to celebrate the Peruvian clown day in Lima, Peru, May 25, 2015.
  • A fisherman collects spilled crude oil at the Pantai Teluk Penyu in Cilacap, Indonesia's Central Java province, May 25, 2015 in this photo taken by Antara Foto. Damage to PT Pertamina crude oil unloading facility at 16 nautical miles south of Cilacap's shore caused 14,000 liters of crude oil to leak and pollute the coastal waters, according to Antara.
  • An art student lies on a giant canvas as she paints with her limbs at an exhibitionof the faculty of the Hubei Institute of Fine Arts, in Wuhan, Hubei province, China.
  • The Wolf volcano spews smoke and lava on Isabela Island in Galapagos National Park, May 25, 2015. (Photo provided by provided by the Galapagos National Park)
  • Christian Jacobs, 4, of Hertford, North Carolina, lies on the grave of his father, Christian James Jacob, during Memorial Day celebrations at Arlington National Cemetery in Arlington, Virginia, May 25, 2015.
  • German chancellor Angela Merkel eats a pickled herring after the name giving ceremony for the fish trawler ROS 777 of the Warnemuender fishery in Sassnitz, eastern Germany.
  • A father and his children walk over the cracked soil of a 1.5 hectare dried up at the Novaleta town in Cavite province, south of Manila, the Philippines.
  • A dinghy overcrowded with Afghan and other immigrants is towed by a Greek coast guard patrol boat into the port on the Greek island of Kos following a rescue operation in a part of the Aegean Sea between Turkey and Greece.
  • A man wearing a headpiece made of watermelon peel stands next to a watermelon sculpture during an annual watermelon festival in Daxing district, Beijing, China, May 25, 2015.
  • Colorado Rockies' third baseman Nolan Arenado falls into the stands after catching a foul ball off the bat of Cincinnati Reds' Zack Cozart during the eighth inning of a baseball game in Cincinnati, Ohio, USA, May 25, 2015. The Rockies won 5-4.
  • A participant of the traditional dirty pig festival wearing a Homer Spimpson mask wallows in a slough near Hergisdorf, Germany, May 25, 2015.

Interaktive

Nuk keni telefon inteligjent?
Nuk ka problem!
Shkarkoni falas aplikacionin e VOA në telefonin tuaj.

 Shkarkoni aplikacionin mobil për tipin e telefonit tuaj.