Fatmir Besimi per VOA

Është e qartë se ka dallime në mes të partnerëve të koalicionit qeveritar në Maqedoni në lidhje me ligjin e propozuar nga deputetët e VMRO-DPMNE mbi ish-pjesëtarët e forcave qeveritare të luftës së vitit 2001, tha ministri maqedonas i mbrojtjes, Fatmir Besimi. Zoti Besimi tha se ligji për ish-pjesëtarët e forcave qeveritare gjatë konfliktit të vitit 2001 nuk parashikon zgjidhjen e statusit social të ish-luftëtarëve të UÇK-së dhe nuk është në përputhje me detyrimet që dalin nga marrëveshja e Ohërit.