Berisha, takim me gazetarët në Shkodër

Kryeministri Berisha zhvilloi një takim me gazetarët në qytetin e Shkodrës. I pyetur nga Zëri i Amerikës në lidhje me Komisionin Qendror të Zgjedhjeve, zoti Berisha u shpreh se është i vendosur të zbatojë ligjet e vendit, por shtoi se është në kontakt të vazhdueshëm me Departamentin Amerikan të Shtetit për këtë çështje. Po sot në mbrëmje, Kryeministri Berisha pritet të paraqesë kandidatët për deputetë të Partisë Demokratike për Qarkun e Shkodrës, ndërkohë që një gjë të tillë e kanë bërë më parë Partia Socialiste dhe Lëvizja Socialiste për Integrim.