Gjykata Kushtetuese e Kosovës shpalli të pavlefshme zgjedhjen e organeve të parlamentit të ri dhe i dha të drejtën e propozimit të kryetarit të parlamentit partisë fituese, e cila ndërkaq nuk i ka numrat e nevojshëm për zgjedhjen e tij. Analistët thonë se të dyja palët, edhe partia fituese edhe partitë opozitare ndodhen para vështirësive për krijimin e institucioneve. Sipas tyre, nëse shkohet në zgjedhje të jashtëzakonshme, kjo nuk do të ishte e favorshme për asnjë parti politike.