Në Prishtinë, Oda Ekonomike e Kosovës dhe ajo e Serbisë, mbajtën një takim të dhjetëra afaristëve të të dyja palëve për të diskutuar rolin që ekonomia mund të luajë në procesin e normalizimit të marrëdhënieve ndërmjet të dyja vendeve. Takimi i tillë i pari i këtij lloji në Kosovë pasoi një marrëveshje ndërmjet të dy odave ekonomike, që ishte pjesë e procesit të bisedimeve ndërmjet Kosovës dhe Serbisë të ndërmjetësuara nga Bashkimi Evropian.