Presidenti Barak Obama mbajti një eulogji të premten në funeralin e pastorit të një kishe afrikano-amerikane i cili u vra së bashku me tetë pjesëtarë të kishës së tij nga një person i armatosur i bardhë që thuhet se donte të fillonte një luftë racore.
Presidenti e përdori eulogjinë e tij prej 35 minutash për të lëvduar mënyrën se si Amerika i është përgjigjur masakrës.
"Vrasësi i dyshuar nuk mund ta imagjinonte se si qyteti Charleston, nën udhëheqjen e mirë dhe të mençur të kryetarit Riley – se si shteti i Karolinës së Jugut, se si Shtetet e Bashkuara të Amerikës do të përgjigjeshin - jo thjesht duke u larguar nga veprimi i keq, por me zemër e bujari të madhe dhe, më e rëndësishmja, me një analizë të vetvetes në mendime dhe vetë-ekzaminim që aq rrallë shohim në jetën publike."
Gjendja në qytet ishte festive, pavarësisht nga tragjedia. Fakti i thjeshtë se Barak Obama shkoi aty, ishte gëzim.
Shumë njerëz morën pjesë dhe disa prej tyre u detyruan ta shikojnë funeralin nga larg.
Pas ceremonisë, ata që morrën pjesë ishin të frymëzuar.
Lakrista Davis tha se i pëlqeu stili i eulogjisë së Obamës.
"Kjo më befasoi. Ne pamë sot një president ndryshe."
Michael J. Wright II, një i afërm i pastorit vrarë, tha se dënimi nga presidenti i paragjykimeve raciale ishte i rëndësishëm.
"Do të jehojë për një kohë shumë të gjatë. Sepse ai goditi shumë prej çështjeve që shumica e njerëzve ishin të frikësuar t’i thonin. "
Patton Webb është dakord.
"Mendoj se ajo që ndodhi javën e kaluar ka hapur sytë e njerëzve. Jo vetëm të presidentit, por të Charlestonit, Karolinës së jugut, vendit dhe botës"
Ky ishte një kujtim për një udhëheqës të dashur vendor zezak i vrarë në emër të armiqësisë racore, por fjalët e fuqishme të presidentit e kthyen atë atë një afirmim të unitetit dhe pajtimit.