Disa mbërrijnë me autobuz, të tjerë në këmbë, por mijëra imigrantë kalojnë nga Serbia për në Kroaci për të arritur në Evropën perendimore. Këto ishin pamjet sot me të ardhurit e rinj. Më shumë se 20 mijë njerëz, shumica refugjatë nga Siria, kanë kaluar në Kroaci që nga 15 shtatori kur Hungaria mbylli kufirin me Serbinë. Imigrantë të tjerë vazhdojnë të rrezikojnë jetën e tyre përmes detit.
Udhëheqësit e Bashkimit Evropian do të takohen të mërkurën me shpresën për të arritur një marrëveshje për të shpërndarë fluksin masiv të imigrantëve.
Nëpër Maqedoni, mesatarisht në ditë kalojnë nga katër mijë a pesë mijë refugjatë dhe imigrantë, në rrugën e tyre për në shtetet e Evropës perëndimore. Korrespondenti ynë Isak Ramadani ishte në Tabanoc, në veri të Kumanovës, në kufirin me Serbinë dhe përgatiti këtë kronikë.