Presidenti maqedonas Gjorgje Ivanov në fjalimin e tij të fundvitit në Parlament bëri thirrje për një dialog të mirëfilltë politik, me anë të të cilit do të zgjidheshin mosmarrëveshjet në vend. Ai bëri thirrje për një proces të drejtë dhe demokratik të zgjedhjeve të pritshme. Por, fjalimi i tij u bojkotua nga deputetët e Lidhjes Social Demokrate dhe të Bashkimit Demokratik për Integrim, që thonë se nuk e njohin legjitimitetin e tij.