Në Prishtinë, Instituti për Hulumtime Zhvillimore RIINVEST ka publikuar një hulumtim lidhur me vlerësimin e korrupsionit në Kosovë, ku thuhet se kjo dukuri është pengesë serioze në përparimin e proceseve demokratike dhe në krijimin e një shoqërie me institucione funksionale. Hulumtimi nxjerr në pah po ashtu se ka shënuar rritje pranimi i korrupsionit nga ana e qytetarëve të Kosovës, ku një në dy individë e pranon korrupsionin si mjet për të përfunduar një punë.