Ministri i Jashtëm, Enver Hoxhaj tha të mërkurën se zhvillimet e fundit në veri të vendit paraqesin një përpjekje të vazhdueshme të qeverisë së Serbisë për ngritjen e tensioneve në Kosovë. Gjatë një raportimi në komisionin për punë të jashtme të parlamentit të Kosovës lidhur me zhvillimet e fundit në pjesën veriore të vendit, ministri Hoxhaj tha se rritja e ndikimit sistematik rus në rajon ka bërë që Serbia të jetë më provokuese me rajonin.