Lidhje

New Orleans, fillon heqja e statujave me simbolikë raciste


FILE - People walk past the Liberty Place monument in downtown New Orleans, Sept. 2, 2015. In December, the New Orleans City Council voted to remove the obelisk commemorating the Battle of Liberty Place, as well as other Confederate-related statutes.

Qyteti New Orleans, në shtetin jugor amerikan të Luizianës, ka filluar heqjen e katër monumenteve që i përkasin periudhës së ndarjes racore në të shkuarën.

Punëtorët filluan heqjen e memorialit të parë, i cili përkujton një lëvizje të të bardhëve për të rrëzuar qeverinë e parë të krijuar në New Orleans me përfaqësues të të dyja racave, pas përfundimit të Luftës Civile Amerikane.

Zyrtarët vendosën që procesi i heqjes të kryhej gjatë orëve të natës për të shmangur përplasjet me kundërshtarët.

Këshilli i New Orleans, i përbërë nga një shumicë afrikano-amerikane, votoi që në vitin 2015 për heqjen e statujave, por beteja të ndryshme ligjore e kishin vonuar procesin.

Pas marrjes së vendimit, pati edhe kërcënime me vdekje, duke i detyruar punëtorët të veshin jelekë antiplumb dhe helmeta.

Tre statujat e tjera që do të hiqen në vazhdim, përkujtojnë Presidentin e entitetit rebel të Konfederatës së Shteteve Amerikane, si dhe dy gjeneralë të mirënjohur të asaj Konfederate.

Facebook Forum

XS
SM
MD
LG