Lidhje

Marrëveshje për krijimin e zonave të sigurta në Siri


Përfaqësuesit e Turqisë, Rusisë dhe Iranit arritën sot një marrëveshje për krijimin e katër zonave të sigurta në të gjithë Sirinë.

Krerët e delegacioneve, aleatë të regjimit sirian, e nënshkruan marrëveshjen gjatë një takimi në kryeqytetin e Kazakistanit, Astana. Ndërkohë disa anëtarë të delegacionit të opozitës siriane kundërshtuan dhe u larguan nga vendi ku u nënshkrua marrëveshja në formë proteste.

Marrëveshja parashikon krijimin e katër zonave të sigurta në Sirinë jugore, qendrore dhe veriore. Por nuk u dhanë hollësi se si do të arrihet paqja në këto zona.

Ministri i Jashtëm rus Sergej Lavrov i quajti zonat e sigurta "një hap i rëndësishëm drejt konsolidimit të armëpushimit".

Pas bisedimeve me homologun finlandez, Timo Soini, zoti Lavrov tha se shpresonte të vazhdonte diskutimin lidhur mbi krijimin e zonave të sigurta edhe gjatë bisedimeve në Gjenevë këtë muaj.

Facebook Forum

XS
SM
MD
LG