Në Tiranë Parlamenti, institucione dhe organizata të pavarura vendase e ndërkombëtare diskutuan sot mbi ecurinë e reformave gjatë këtij viti.
Reformimi i sistemit gjyqësor mbetet për të gjithë sfida dhe ambicia kryesore në rrugën drejt Bashkimit Europian, u tha në takim.
Pritshmëria e qytetarëve ndaj kësaj reforme është ende shumë e lartë, ndërkohë që pengesat vazhdojnë si me afatet ashtu edhe me rezultatet.
Parlamenti zhvilloi sot një takim me institucionet e pavarura për të diskutuar ecurinë e reformave gjatë këtij viti.
Reforma më e rëndësishme u vlerësua ajo në sistemin gjyqësor, ku pjesa më kritike, sipas analistëve të pavarur është tejkalimi dhe shkelja e afateve ligjore në përmbylljen e procedurave dhe nisjen e saj në praktikë.
Drejtuesi i Institutit të Studimeve Politike, Dr. Afrim Krasniqi tha se krahas mungesës së transparencës mbi të dhënat parlamentare, një tjetër problem me reformën në drejtësi është mosrespektimi i afateve ligjore.
Qeveria shqiptare është në pritje të hapjes së negociatave me BE për antarësim të plotë, por shumë prej reformave, si ajo e drejtësisë, po I kryejnë institucione të tjera, ndaj është shkëmbimi I informcionave është mëse I nevojshëm.
Ministri i punëve të jashtme Ditmir Bushati, tha se reforma në drejtësi po përdoret nga BE si një provë për suksesin e të gjithë reformave të tjera ndaj nevojitet që një komision pranë kuvendit të vëzhgojë ecurinë e reformës në drejtësi.
OSBE ka ndihmuar mjaft parlamentin dhe administratën në forcimin e institucioneve kundër korrupsionit dhe mbrojtjes së të drejtave njerëzore.
Drejtuesi i zyrës së OSBE-së në Shqipëri, ambasador Bernd Borchardt, tha se mbikëqyrja parlamentare rritet ndjeshëm kur ndahet me instituciione të pavarura.
Sipas vëzhguesve të pavarur, reforma në drejtësi dhe organet e vetingut pritet të japin rezultatet e para nga fillimi i vitit tjetër, kur do të nisin punën me shqyrtimin e të dhënave dhe integritetit profesional të gjyqtarëve.
Facebook Forum