Lidhje

Në pranga një i dyshuar për incidentin tek Agjencia e Sigurisë Kombëtare


Një polic është plagosur në një incident me armë zjarri të mërkurën pranë Agjencisë së Sigurisë Kombëtare, njoftuan autoritetet.

Media lokale thotë se të paktën një person i dyshuar është ndaluar. Videot tregonin një person në pranga, ulur në tokë i rrethuar nga policët pranë hyrjes së fortifikuar të bazës ushtarake në Fort Meade të Merilandit, ku ndodhet edhe Agjencia e Sigurisë Kombëtare.

Në pamje shfaqet një automjet i zi i përplasur me një barrierë prej betoni. Në dritaren e përparme të tij duken vrimat e plumbave.

Sipas autoriteteve të kësaj agjencie që merret me përgjime elektronike për të luftuar kërcënimet e mundshme terroriste, situata në vendngjarje ishte nën kontroll.

Trafiku u bllokua në një rrugë që të çon tek Agjencia e Sigurisë Kombëtare.

Autoritetet njoftuan Presidentin Donald Trump mbi incidentin.

Në një deklaratë të Shtëpisë së Bardhë thuhej "se me mendje e me lutje jemi pranë të gjithë atyre që janë prekur nga ky incident".

Facebook Forum

XS
SM
MD
LG