Disa mijë vetë protestuan të dielën në sheshin kryesor të Shkupit kundër ndryshimit të emrit të Maqedonisë.
Folësit kërkuan ndërprejen e bisedimeve mes Shkupit dhe Athinës. Protestuesit gjithashtu kërkuan që autoritetet në Shkup t’i drejtoheshin Asamblesë së Përgjithshme të Kombeve të Bashkuara për njohjen e emrit kushtetues të Republikës së Maqedonisë.
Në protestën e organizuar nga një lëvizje e quajtur: “Ne jemi Maqedoni”, mbaheshin pankarta me shkrime kundër diplomacive perëndimore.
Maqedonia dhe Greqia kanë shtuar përpjekjet së fundmi për gjetjen e një zgjidhjeje të problemit shumëvjeçar të emrit të Maqedonisë.
Facebook Forum