Zyrtarët bullgarë thanë të mërkurën se autoritetet kanë arrestuar një të dyshuar për përdhunimin dhe vrasjen e gazetares Viktoria Marinova.
Kryeprokurori Sotir Tsatsarov e identifikoi të dyshuarin si Severin Krasimirov, shtetas bullgar, i cili u arrestua në Gjermani.
Zoti Tsatsarov u tha gazetarëve se deri tani hetuesit nuk besojnë se përdhunimi dhe vrasja e Marinovës kanë qenë të lidhura me punën e saj, por më tepër ishte një sulm spontan.
Marinova kishte hetuar korrupsionin e supozuar që përfshinte politikanë dhe fonde të Bashkimit Evropian. Trupi i saj u gjet të shtunën në një park të qytetit verior Ruse.
Facebook Forum