Lidhje

Kina, fushatë në zgjedhjet e mes mandatit në SHBA


Senate Homeland Security

Në SHBA, zyrtarë të sigurisë thanë sot se Kina ka ndërmarrë një fushatë të pashembullt për të ndikuar opinionin publik amerikan ndërkohë që afrohen zgjedhjet e mesit të mandatit për kongresin.

Sekretarja e Sigurisë së vendit, Kirsten Nielsen dhe Drejtori i FBI-së Christopher Wray thanë gjithashtu në një komision të senatit se Kina përbën kërcënimin më të madh afatgjatë të kundërzbulimit për Shtetet e Bashkuara.

Ata u pyetën nga senatorët lidhur me një deklaratë të Presidentit Donald Trump, se Kina po ndërhyn në zgjedhjet e ardhshme amerikane.

Zonja Nielsen i tha komisionit të Senatit se "Kina ka ndërmarrë një përpjekje të pashembullt për të ndikuar opinionin amerikan.”

I pyetur nëse Pekini paraqet një kërcënim më të madh për vendin se sa Moska, kreu i FBI-së Wray tha se në shumë aspekte, Kina përfaqëson kërcënimin më të gjërë, më të komplikuar dhe më afatgjatë në fushën e kundërzbulimit me të cilin përballen Shtetet e Bashkuara.

Facebook Forum

XS
SM
MD
LG