Lidhje

Nënpresidenti Pence ngre çështjen e Rohingiave me Aung San Suu Kyi-në


Singapore US Myanmar

Nënpresidenti amerikan, Mike Pence i tha udhëheqëses de facto të Myanmarit, Aung San Suu Kyi se donte të dëgjonte lajme për përparim në gjendjen e refugjatëve Rohingia.

Zoti Pence u takua me Suu Kyi-në në Singapor ku po merr pjesë në takimin e Shoqatës së Vendeve të Azisë Juglindore, ASEAN.

"Pres me padurim të dëgjoj për përparimin që po bëhet lidhur me gjendjen e Rohingiave. Kjë është një tragjedi që ka prekur zemrat e miliona amerikanëve. Dhuna dhe përndjekja nga ushtria dhe grupe të tjera që rezultoi në ikjen e 700 mijë Rohingiave në Bangladesh është e pajustifikueshme"

Zonja Suu Kyi nuk iu përgjigj direkt komenteve të nënpresidentit Pence, duke shtuar vetëm se e mirëpriste mbështetjen për “çdo gjë që po bëjmë për ta bërë vendin tonë më të sigurt dhe më të begatë për të gjithë”.

Aung San Suu Kyi është kritikuar ashpër për mënyrën se si e menaxhoi krizën që shkaktoi vrasje masive dhe eksodin në Bangladesh të mbi 700 mijë Rohingiave nga Mianmari me shumicë budiste në gusht të vitit të kaluar.

Një ekspert i Kombeve të Bashkuata për Mianmarin po i kërkon Bangladeshit të heqë dorë nga plani për të filluar riatdhesimin e refugjatëve Rohingia në shtetin Rakhine të Mianmarit këtë muaj, për të shmangur përndjekjen.

Një raporter i Kombeve të Bashkuara për të drejtat e njeriut në Mianmar, Yanghee Lee, tha javën e kaluar se nuk është koha e duhur për kthimin e tyre, duke përmendur si argument dështimin e qeverisë së Mianmarit për të dhënë garanci se ata nuk do të vuajnë përsëri nga përndjekja dhe dhuna e tmerrshme.

Facebook Forum

XS
SM
MD
LG