Lidhje

Trupi i ish-presidentit Bush mbërrin në Uashington


Trupi i ish presidentit të ndjerë amerikan George Herbert Walker Bush mbërriti të hënën pasdite në Uashington, pasi u largua nga një shtëpi mortore në Hjuston të Teksasit.

Arkëmorti i mbuluar me një flamur amerikan u drejtua fillimisht për në Ellington Field të Hjustonit, ku priste avioni presidencial Air Force One për ta transportuar drejt Uashingtonit.

Presidenti i 41-të amerikan, George Herbert Walker Bush, vdiq të premten në Huston në moshën 94 vjeçare.

Trupi i tij arriti sot pasdite në bazën ajrore Andrews të Maryland-it për t'u vendosur në ndërtesën e Capitolit, selia e Kongresit amerikan, për homazhe.

Të mërkurën në mëngjes, trupi do të sillet me autokolonë në Katedralen Kombëtare të Uashingtonit, për ceremonitë shtetërore të lamtumirës.

Facebook Forum

XS
SM
MD
LG