Qindra mijëra iranianë u mblodhën sot për të shënuar 40 vjetorin e Revolucionit Islamik të vendit.
Revolucioni Islamik solli rënien e qeverisë së Shahut Mohammad Reza Pahlavi që kishte mbështetjen e Shteteve të Bashkuara, pas kthimit nga mërgimi të Ayatollah Ruhollah Khomeinit në vitin 1979.
Në miting pjesëmarrësit thërrisnin dhe mbanin parrulla ku shkruhej: “Vdekje Amerikës” dhe “Vdekje Izraelit”.
Presidenti Hassan Rouhani mbajti një fjalim, ku tha se armiqtë e Iranit nuk do të arrijnë ato që ai i cilësoi synime keqdashëse.
Ai tha se ndërsa Irani do të vazhdojë të ketë një “angazhim konstruktiv” me komunitetin ndërkombëtar, Teherani nuk ka për të kërkuar leje për prodhimin e çfarëdo lloj rakete.
Gjatë ceremonive me rastin e 40 vjetorit të Revolucionit Islamik u zhvillua edhe një paradë ushatarake, gjatë së cilës u ekspozuan raketa.
Facebook Forum