Më 17 shkurt, bota shkencore humbi gjuhëtarin e madh amerikan Eric Hamp, një ndër autoritetet e studimeve të indoeuropianishtes, i cili interesohej sidomos për gjuhët kelte dhe gjuhën shqipe. Ai ishte 98 vjeç dhe ka punuar për shumë dekada në Universitetin e Çikagos. Ndryshe nga shumë indoeuropianistë të tjerë, që e ngritën punën e tyre mbi materiale të shkruara, profesor Hamp ndërmori kërkime të gjera në terren dhe kjo i dha mundësi të studionte nga afër gjuhë dhe dialekte pak të njohura, siç ishte shqipja apo e folura e arbëreshëve dhe e arvanitëve. Në kujtim të profesorit Eric Hamp, Zëri i Amerikës intervistoi disa studiues që e njohën atë personalisht.
Facebook Forum