Lidhje

Presidenti i NDI, Derek Mitchell në Shkup


Presidenti i NDI, Mitchell në Shkup
please wait

No media source currently available

0:00 0:02:25 0:00

Presidenti i Institutit Demokratik Kombëtar të Shteteve të Bashkuara, Derek Mitchell ndodhet për vizitë në Maqedoninë e Veriut ku po takohet me zyrtarët e lartë shtetërorë. Zoti Mitchell tha se Maqedonia e Veriut e ka mbështetjen e plotë të Shteteve të Bashkuara në rrugën e saj të integrimeve, ndërsa theksoi arritjet e mira të këtij vendi ballkanik, duke nënvizuar nevojën për një pajtim politik brenda vendit.

Presidenti i Institutit Demokratik Kombëtar të Shteteve të Bashkuara – NDI, Derek Mitchell tha në Shkup se shikon përparim të Maqedonisë së Veriut, por se demokracia nuk përfundon dhe gjithmonë paraqiten sfida. Ai u takua me Klubin e grave deputete në parlamentin e Maqedonisë së Veriut, si mbështetës i punës së këtij klubi, për t’u njohur me veprimtarinë dhe përvojat e ligjvënëseve dhe për planet e ardhëshme të këtij klubi.

I shoqëruar edhe nga drejtori i NDI-së për Evropën qendrore dhe lindore, Robert Benjamin, zoti Mitchell vuri në dukje bashkëpunimin e Institutit Demokratik Kombëtar për 25 vjetët e fundit me autoritetet dhe institucionet e këtij vendi.

“Ka nevojë për një pajtim në këtë vend, dhe ka nevojë për ngritjen e sistemit të shëndetësisë, të arsimit, reforma të gjyqësorit”, tha zoti Mitchell, duke theksuar synimet e Institutit që drejton për ta ndihmuar Maqedoninë e Veriut. “Kemi shumë shpresa për një të ardhme të mirë të vendit tuaj”, shprehet Derek Mitchell.

Ai thotë se Shtetet e Bashuara po ndihmojnë edhe në aspektin e integrimit të Maqedonisë së Veriut në Bashkimin Evropian.

Ndërkohë, autoritetet në Shkup shpresojnë se do të marrin në qershor datën për fillimin e bisedimeve me Bashkimin Evropian, ndonëse ka pasur spekullime se kjo do të mund të shtyhej.

Nga ana tjetër, Kryeministri Zoran Zaev nuk heq dorë nga paralajmërimet për ndryshime në kabinetin qeveritar, apo pastrime, siç i ka quajtur ai vetë para pak javësh. Ndryshimet, sipas kryeministrit maqedonas do të preknin ministra të partisë së tij Lidhja Social Demokrate dhe të Bashkimit Demokratik për Integrim, por disa eksponentë të radhëve të BDI-së në qeveri janë shprehur se ata mund t’i ndryshojë vetëm kryetari i tyre, Ali Ahmeti.

Besoj se në fillim të qershorit do të bëj ndryshime në strukturat udhëheqëse në nivel ministrash dhe drejtues institucionesh shtetërore dhe kah fundi i qershorit me ndrysime në nivel lokal”, paralajërmon kryeministri Zaev.

Qeverisja e tij gati dy vjeçare është përshkuar me një sërë kritikash sidomos për nepotizëm, ndërsa Agjensia kundër korrupsionit ka hetuar rastet dhe i ka cilësuar si punësime të paligjshme ato të familjarëve të ngushtë të zyrtarëve të pushtetit.

Facebook Forum

XS
SM
MD
LG