Lidhje

Dita e Punëtorëve në Shtetet e Bashkuara


Shtetet e Bashkuara po festojnë Ditën e Punëtorëve, një festë e përvitshme amerikane që shënohet të hënën e parë të shtatorit. Për shumë amerikanë, kjo është një mundësi më shumë për të shijuar ditët e fundit me mot të nxehtë gjatë fundjavës së gjatë tri-ditëshe.

Zanafilla e festës gjendet në vitet 1880 kur pati një trysni në rritje për të njohur meritat dhe kontributet e punëtorit amerikan dhe për të krijuar një mjedis më të sigurtë e më njerëzor jetese e pune për të. Në atë kohë dita e punës zgjaste 12 orë dhe në radhët e punëtorëve gjeje edhe fëmijë që nga mosha 5 vjeç.

Falë kësaj trysnie gjatë dekadave që pasuan u miratuan ligje për të reduktuar ditën e punës në tetë orë, për të miratur javën pesë-ditëshe dhe punëtorët filluan të organizohen në sindikata.

Sot kjo ditë njihet jo-zyrtarisht si përfundimi i sezonit të pushimeve verore. Njerëzit e shfrytëzojnë fundjavën e gjatë për të shkuar edhe një herë në plazh apo për piknike, për grumbullime me familjet. Bizneset ofrojnë ulje çmimesh. Në shumë shtete nesër rihapen shkollat dhe fillon viti shkollor.

Facebook Forum

XS
SM
MD
LG