Lidhje

Braçe: Infrastruktura dhe shërbimet në funksionim të plotë


Në Shqipëri, Zëvendëskryeministri Erion Braçe tha të hënën se 48 orë pas tërmetit të fortë të së shtunës e gjithë infratsruktura e vendit dhe shërbiet janë në funksionim të plotë dhe të sigurta

Zoti Braçe deklaroi se ka qasje në të gjithë infrastrukturën rrugore se është e sigurtë, se në funksion të plotë është sistemi energjitik i vendit, ai shëndetësor dhe arsimor, dhe që nesër do të rihapen shkollat dhe në Tiranë, Durrës e Elabasan, ku sot ishin pezulluar.

Zëvendëskryeministri u shpreh se në terren po vijon procesi i verifikimit të detajuar të dëmeve në banesa dhe se janë funksionale qendrat e pritjes për çdo familje apo individ në nevojë apo të prekur nga tërmeti.

Zoti Braçe foli me tone të ashpra për situatën e krijuar mbrëmë në kryeqytet, pasi disa media online shpërndanë lajmin e rremë se pak para mesnatës pritej një goditje e fortë e tërmet, duke provokuar panik mes qytetarëve të kryeqytetit që mbushën rrugët e sheshet dhe nisën të largohesh nga Tirana.

Ai tha se autoritetet janë të vendosura që autorët e këtij lajmi të rremë të përballen me ligjin, ndërkohë që hetimet kanë nisur menjëherë që mbrëmë duke shoqëruar dhe marrë në pyetje disa gazetarë që dyshohet të jenë përfshirë

Facebook Forum

XS
SM
MD
LG