Lidhje

Një tërmet i fuqishëm tronditi ishullin grek të Kretës


Një tërmet i fuqishëm nënujor tronditi ishullin jugor të Greqisë, Kretën të mërkurën dhe u ndje në territorin jugor të vendit, por nuk ka njoftime për dëme ose të lënduar.

Instituti Gjeologjik i Shteteve të Bashkuara në vlerësimin e tij fillestar tha se tërmeti ishte me magnitudë 6.0, ndërsa Instituti Gjeodinamik i Greqisë tha se tërmeti ishte me mganitudë 6.1. Është e zakonshme për dallime të lehta të këtij lloji mes instituteve të ndryshme që masin fuqinë e tërmeteve. Epiqendra e tërmetit që goditi vendin të mërkuren në mëngjes, ishte në një thellësi prej 71 kilometrash dhe u ndje gjerësisht në pjesën më të madhe të vendit, përfshirë kryeqytetin vendit, Athinë.

Tërmet në Greqi
please wait
Embed

No media source currently available

0:00 0:00:46 0:00

Lëkundjet detyruan njerëzit të dilnin në rrugë në Kretën perëndimore, njoftojnë mediat lokale, por nuk ka njoftime dëme ose të lënduar. Një ditë më parë, një tërmet i fuqishëm në Shqipërinë fqinje vrau të paktën 27 njerëz dhe shkaktoi dëme të mëdha në qytetin bregdetar të Durrësit dhe zonat e afërta.

“Tërmetet në këtë thellësi zakonisht nuk pasohen me goditje të tjera”, tha sizmologu Efthimis Lekkas, kreu i Organizatës së Planifikimit dhe Mbrojtjes nga Tërmetet në Greqi. “Pra, nuk ka ndonjë arsye serioze për shqetësim”, shtoi ai.

Autoritetet në ishullin e Kythiras, i cili ishte afër epiqendrës, urdhëruan mbylljen e shkollave për një ditë si një masë paraprake për sigurinë.

Facebook Forum

XS
SM
MD
LG