Shefi i politikës së Jashtme të Bashkimit Evropian, Josep Borell, pritej që të hënën në takimin e ministrave të Jashtëm të bllokut, të hedhë propozimin për emërimin e një përfaqësuesi të posaçëm për Ballkanin Perëndimor, përkatësisht për bisedimet Kosovë – Serbi. Por, të dielën ai tha se kjo mund të ndodhë më vonë.
Ende nuk është e qartë se kush mund të jetë ai, por emri më i përmendur është ai i ministritë të Jashtëm të Sllovakisë, Miroslav Lajçak.
Zoti Borrell tha se në atë post duhet të jetë “dikush që e njeh rajonin”, ndërsa ministri Lajçak as nuk e mohoi e as nuk e pohoi një mundësi të tillë.
Propozimi duhet të miratohet nga të gjitha vendet e bllokut mes të cilëve ka rezerva rreth zotit Lajçak, i cili sikurse zoti Borrell, ish ministër i Jashtëm i Spanjës, vjen nga një prej pesë vendeve që nuk e njohin pavarësinë e Kosovës.