Lidhje

SHBA, studentët kinezë të bllokuar nga pandemia e Covid 19


Ndërsa pandemia e koronavirusit vazhdon të përkeqësohet, studentët kinezë në Shtetet e Bashkaura po përballen me një dilemë, me mbylljen e gjithnjë e më shumë shkollave, ata e gjejnë veten në një situatë ku nuk kanë ku të shkojnë. Nëse kthehen në Kinë, ata nuk do të lejohen të rikthehen në Shtetet e Bashkuara për shkak të masës së ndalimit të udhëtimeve nga Kina që u vendos për të parandaluar përhapjen e virusit Covid 19. Korrespondentja e Zërti të Amerikës, Calla Yu njofton nga qyeteti i Pitsburgut në Pensilvani.

Që kur koronavirusi filloi të përhapej në Shtete e Bashkuara, pyetjet nga prindërit kinezë kanë përmbytur zyrën e Chen Hangut, ata janë të shqetësuar për fëmijët e tyre që studiojnë në Amerikë.

“Ata janë më të shqetësuar për mënyrën sesi shkollat po parandalojnë përhapjen e epidemisë. Nëse epidemia përhapet, a do të mbyllen shkollat? Nëse mbyllen shkollat, a do të ndikojë kjo në statusin e tyre të studentëve ndërkombëtarë dhe në studimet e tyre? Po ashtu, nëse epidemia përhapet dhe studentët duhet të kthehen në shtëpi, si do të relizohet ky proces? "

Për shumicën e studentëve kinezë, ky pushim pranveror nuk është i këndshëm. Ata ndeshen me shumë pasiguri mbi të ardhmen e tyre. Çfarë duhet të bëjnë tani, të kthehen në vendin e tyre dhe të përballen me mundësinë e moskthimit në Amerik? Dhe nëse qëndrojnë këtu çfarë do të ndodh kur të mbyllen shkollat?

Për nxënësit e shkollave të mesme, shumica e të cilëve jetojnë në konvikte ose me familje vendase, situata është edhe më e vështirë.

"Nëse kthehem në Kinë gjatë pushimit pranveror, nuk do të mund të rikthehem këtu për shkak të kufizimeve mbi udhëtimet nga Kina. Pra, studimi në shkollë është një nga shqetësimet e mia", thotë Adam Dong, nxënës i Shkollës së Mesme Kiski.

Shkolla e tij vendosi që të mbajë të hapur kampusin dhe konviktet si dhe të ofrojë ushqime dhe personel për t'u kujdesur për studentët. Adam do të qëndrojë me një mik në Shtetet e Bashkuara, ndërsa Charles vendosi të qëndrojë në shkollë.

“Kemi ushqime, kemi mësues në kampus. Pra, është mjedis i sigurt deri më tani. Nëse kthehem në vendin tim, do të më duhet të vetë-izolohem për 14 ditë së bashku me prindërit e mi. Kjo është një telashe e madhe", thotë Charles Xu, nxënës i Shkollës së Mesme Kiski.

Shkolla e Mesme Kiski ka avantazh sepse ka një numër të vogël nxënësish, vetëm rreth 190. Shkollat e mesme në të gjithë vendin po ndërmarrin hapa për të zbatuar distancimin social.

"Ne i kemi dërguar mesazhe me postë elektronike dhe udhëzime higjienike në forma të tjera nxënësve për t’ia kujtuar larjen e duarve, përdorimin e xhelit dezinfektues, mënyrën si duhet kollitur në praninë e të tjerëve dhe gjëra të tjera të kësaj natyre", thotë Chris Brueningsen, Drejtor i Shkollës së Mesme Kiski.

Shkolla e Mesme Kiski do të testojë të gjithë ata që kthehen në shkollë pas pushimit pranveror. Shkolla gjithashtu është e përgatitur të ofrojë ndjekjen e studimeve përmes internetit për ata që kanë nevojë.

"Është vendosur që nuk do të ketë ndonjë ndëshkim akademik për nxënësit. Nëse një familje vendos t’i mbajë fëmijët në shtëpi, ne do t'i mbështesim plotësisht ata", thotë Chris Brueningsen, Drejtor i Shkollës së Mesme Kiski.

Por duke marrë parasyshe faktin që gjendja pritet të përkeqësohet në Shtetet e Bashkuara, e ardhmja e këtyre nxënësve është ende e pasigurt.

Facebook Forum

XS
SM
MD
LG