Infektimet dhe vdekjet nga koronavirusi vazhdojnë të shtohen ndërsa virusi përhapet në gjithë botën.
Të dielën në mbrëmje ishin mbi 704 mijë raste të konfirmuara. Në Shtetet e Bashkuara, epiqendra aktuale e virusit, ka deri tani mbi 132,600 raste. Vendi më i goditur evropian, Italia, ka konfirmuar afro 10,700 të vdekur dhe 97, 689 të infektuar.
Numri i të vdekurve në gjithë botën të dielën në mbrëmje ishte mbi 33, 500, me Shtetet e Bashkuara dhe Francën me nga 2 mijë vdekje në një ditë të vetme, sipas shifrave të Universitetit Johns Hopkins.
Wuhani në Kinë, ku filloi epidomia e koronavirusit vitin e kaluar, filloi të rihapej të shtunën pas muajve izolimi total.
Numri i rasteve në Britani po shkon në 20 mijë dhe mbi 1,220 vdekje. Kryeministri Boris Johnson, i cili vetë është prekur nga COVID-19, tha se gjendje pritet të vazhdojë të keqësohet.
Spanja ka afro 78,800 raste dhe mbi 6,600 të vdekur.
Nju Jorku, me mbi 52 mijë raste të konfirmuara dhe mbi 700 vdekje, është epiqendra e virusit në Shtetet e Bashkuara.
Facebook Forum