Në Mal të Zi, disa ditë radhazi, numri i rasteve të reja të infektuarve me koronavirus janë të ulta. Autoritetet shëndetësore njoftuan të dielën se nga testimet e bëra për 141 të dyshuar, vetëm pesë prej tyre kanë rezultuar pozitiv ndaj COVID-19, duke e rritur numrin e të prekurve në 269 persona.
Nga rastet e reja shumica janë nga Podgorice dhe njëri nga Ulqini.
Autoritetet shëndetësore njoftuan sot për një 74 vjeçar, i cili humbi jetën duke e çuar në 3 numrin e përgjithshëm të të vdekurve nga koronavirusi në Malin e Zi.
Ndërkohë 5 persona, në mesin e të cilëve 2 janë nga zona e Malësisë kanë dalë negativë dhe tashmë janë lëshuar në shtëpi të shëruar.
Dhjetëra klerikë të Kishës Ortodokse Serbe në Mal të Zi, në mesin e të cilëve ishte edhe kryepeshkopi Amfilohije, të dielën u arrestuan për shkak se mbajtën meshën para një kishe ortodokse në Podgoricë duke i shkelur vendimet e qeverisë për mbrojtje nga koronavirusi. Ata dhënë deklarata dhe u morën në pyetje informative nga inspektorët policor të Podgoricës dhe janë në pritje të një vendimi nga prokurori për veprime të mëtejshme, thuhet në një komunikatë të autoriteteve policore.