Lidhje

Mali i Zi, 4 të vdekur dhe 91 raste të reja me COVID-19


Instituti i Shëndetit Publik në Mal të Zi, bëri të ditur të mërkurën se në 24 orët e fundit numri i të infektuarve me COVID-19 ka arritur në 91 nga 621 mostrat e testuara. Të mërkurën u njoftua edhe për 4 viktima nga qytetet e Malit të Zi, Tivati, Zhablaku, Rozhaja dhe Plevla.

Autoritetet shëndetësore të mërkurën vendosen masa të rrepta në përpjekje për të parandaluar përhapjen e infektimeve. Vendimi e bën të detyrueshëm mbajtjen e maskës mbrojtëse në të gjithë territorin e Malit të Zi.

"Është e detyrueshme të mbahet maska mbrojtëse në ambientet e jashtme dhe të brendshme në të gjithë Malin e Zi, përfshirë edhe fëmijët mbi moshën 7 vjeçare. Maska nuk është e domosdoshme të mbahet në plazhe dhe në parqet kombëtare, me kusht që aty duhet të ruhet distanca fizike", thuhet në vendim e Trupit Koordinues Kombëtar.

Aktualisht ka mbi 2000 raste aktive me koronavirus në Mal të Zi.

Facebook Forum

XS
SM
MD
LG