Lidhje

Kongresi shqyrton këtë javë paketën 1.9 trilionë dollarëshe të ndihmës


The U.S. Capitol Building as seen ahead of a vote on the coronavirus relief bill on Capitol Hill in Washington, March 25, 2020.

Udhëheqësit e kongresit amerikan do të debatojnë këtë javë mbi paketën për lehtësimin ekonomik ndaj koronavirusit ndërsa vaksinimet në të gjithë vendin vazhdojnë.

Kongresi dhe paketa e ndihmes
please wait

No media source currently available

0:00 0:02:28 0:00

Në Shtetet e Bashkuara, rastet e koronavirusit kanë rënë, së bashku me shtrimet në spitale. Megjithatë, janari ishte një muaj vdekjeprurës me më shumë se 90,000 jetë të humbura nga virusi. Shpërndarja e vaksinave ka qenë kaotike dhe ka ngritur pikëpyetje se kush po vaksinohet.

"Çështja kryesore është të vaksinojmë ata që janë në rrezik më të madh të infektohen, të shtrohen në spital dhe të vdesin," thotë Richard Besser, ish drejtori në detyrë i Qendrave për Kontrollin dhe Parandalimin e Sëmundjeve.

Presioni është mbi Kongresin për të miratuar më shumë fonde që do të ndihmonin shtetet në përpjekjet e tyre për vaksinimet dhe njerëzit që janë ekonomikisht në vështirësi. Kongresi pritet të marrë në shqyrtim këtë javë projektligjin prej 1.9 trilionë dollarësh për lehtësimin e krizës të propozuar nga presidenti Biden, një paketë e gjerë që përfshin fonde për një program kombëtar të vaksinimit dhe rritjen e pagesave për papunësinë.

Mbetet për t’u parë nëse republikanët do ta mbështesin paketën.

“Unë mbështes miratimin e paketës lehtësuese me përkrahjen e republikanëve nëse mund ta sigurojmë atë, por paketa duhet të miratohet. Nuk ka alternativë tjetër”, tha presidenti Joe Biden.

Shumë ligjvënës republikanë kanë kundërshtuar koston e këtij projektligji dhe kanë ngritur pyetur nëse të gjitha shpenzimet janë të nevojshme. Dhjetë senatorë republikanë i dërguan një letër presidentit Biden të dielën, duke kërkuar një kompromis dhe duke ofruar një propozim të ri që kushton sa një e treta e asaj që kërkojnë demokratët. Njëri prej tyre, senatori Bill Cassidy, republikan nga shteti i Luizianës, tha në emisionin Fox News Sunday se presidenti Biden nuk po përpiqet për një bashkim të vërtetë, por për "minimumin e bashkëpunimit dypartiak".

Demokratët thonë se do të kërkojnë një proces që do t'i lejojë ata të miratojnë projekt-ligjin me një shumicë të thjeshtë. Bernie Sanders, senator i pavarur nga shteti i Vermontit është kryetari i ri i Komisionit të Buxhetit në Senat.

“Nëse republikanët duan të punojnë me ne, kanë ide më të mira se si t'i zgjidhin këto probleme, shumë mirë. Por, të jem i sinqertë, nuk kam dëgjuar ende ndonjë ide prej tyre”.

Hapësira për të vepruar me shpejtësi për paketën mund të mbyllet përkohësisht. Procesi për fajësimin e ish presidentit Donald Trump që fillon më 9 shkurt, mund të ngadalësojë punën e ligjvënësve.

Facebook Forum

XS
SM
MD
LG