Në Kosovë, ambasadori amerikan Philip Kosnett u bëri thirrje sot subjekteve politike që të punojnë shpejt për formimin e institucioneve pas zgjedhjeve të së dielës. Ai i bëri këto komente pas takimeve me kryetarin e lëvizjes Vetëvendosje, Albin Kurti, subjekti i të cilit shënoi fitore të thellë në zgjedhjet e së dielës si dhe me ushtruesën e detyrës së presidentes, Vjosa Osmani. Zoti Kurti që pritet të drejtojë qeverinë e ardhshme të Kosovës do të përballet me sfida të ndryshme ndërsa u ka bërë thirrje Shteteve të Bashkuara dhe Bashkimit Evropian për një qasje të përbashkët ndaj problemeve në Ballkanin Perëndimor.
Facebook Forum